Skalkefest!

Det er igjen tid for den årvisse SKALKEFESTEN på Åmdal ungdomshus. I år som i fjor står det ein god gjeng på scena for å gi dalafolk, og heldige ørstingar trim i magemusklane. I år er det ikkje ein heil revy, men eit knippe gode programinnslag, skrivne og innøvde av flinke folk framma dala.
Viss me er ferdige å øve, so startar programmet kl 20 i kveld:-)

Ditte blir steikje løye!!

God Jul!

Med ein POFF og ein SMELL så var julafta over, og ungane forsto ikkje kva som traff dei. Eg sjølv våkna med eit rykk kl 12.30 og lurte på kva dag det var, og om eg hadde forsove meg til "tre nøtter til Askepott". Sakte men sikkert demra det for meg, og eg innsåg at det er lenge til jula er over! Ho har berre så vidt byrja!

Så då vil eg berre sei GOD JUL! :-)

Wok i naturen..

Fortalde for ei tid tilbake at eg hadde fått ein miniwok.
Den har eg fått prøvd ut, og den funka veldig bra!



Ingen problem med å steike maten over open eld. Med god olje slapp eg fastbrent kjøt.



God fyr i omnen:-)



Skogskaffi må også til når ein er ute i naturen.
Ein kjempeflott tur, med gløtt av sol. Me er heldig som får bu slik til!!

Oslo-tur med Mary Ann!

No har det gått tre veker sidan me var i Oslo. Heilt ufatteleg at det har gått så fort, så lenge som me gjekk og venta på at dagen skulle kome...


Starta på torsdag då me reiste. Me kom til Oslo kl 12, og kunne bruke heile dagen i byen. Kika på slottet, var på Hjemmefrontmuseet på Akershus festning, og vandra i byen å kosa oss.


På kvelden var det tid for show. Oslo spectrum er ikkje så stort som det ser ut til på TV...men det var nok hakket større enn Ørsta kulturhus;-)

Showet var fantastisk! Rune Hekkelstrand, også kjend som Polter i "UHU", var "reiseleiar" gjennom millionar av år. Dinosaurane var i verkeleg storleik, og var utruleg naturtru!! Det var skummelt, spanande og kjekt!





Etter showet reiste vi tilbake til hotellet. Forresten eit veldig bra hotell som eg vil anbefale til dei som skal til Oslo. Rica Holberg, ligg rett att med slottet. Flybussen stoppar rett utanfor døra, og du slepp å leite deg i hel etter det.
Dagen etter tok me peiling på museumsbesøk. Dagsbillettar på kollektivtrafikk kosta oss 150 kr for alle tre, og då kunne vi reise så mykje vi ville i eit døgn. Kjempegreier!! Naturhistorisk museum var hovudmålet. Der fekk vi sjå T-Rex i naturleg storleik, men heldigvis berre beinrangelet!! På zoologisk museum fekk vi sjå fossilet Ida. Trudde det var litt meir blest om henne, og at utstillinga var større, men ho var lita og vi kunne like gjerne gått rett forbi henne...






Munch-museet fekk også besøk av Ørsta-banden. Dei har lært av tjuveriet, og vi måtte legge igjen vesker og jakker å gå igjennom metalldetektor før vi fekk sleppe inn. "Skrik" og "Madonna" har fått hard medfart som følgje av tjuveriet, og det viste dessverre godt. Men det var stort å få sjå alle dei kjende verka i levande live! Whistler hadde også utstilling av sine teikningar. Måtte sjølvsagt kjøpe med meg nokre reproduksjonar heim. Dei skal etter kvart få heidersplass på vegge:-)






Vigelandsparken vart og besøkt, og "Sinnataggen" og "Monolitten" var hovudmåla der. Heilt fantastisk arbeid Gustav Vigeland har lagt ned i alle dei skulpturane!!






Fredagskveld var det konsert i Ridehuset på Akershus festning. Halloweenkonsert med Forsvarets stabsmusikk, med påfølgande spøkelsevandring på Akershus slott!
For meg som har spelt i korps i over 20 år, var det ein opplevelse å få vere på konsert med eit proff korps. Det var gåsehud frå ende til annan!! Nils Ole Oftebro utkledd som vampyr, fortalde skumle historier innimellom.




Akershus slott er heilt fantastisk! Det å gå igjennom alle dei salane som kongar og dronnigar har budd og levd i i mange hundre år er heilt...ubeskriveleg. Me såg ingen spøkelse, men eg kan nesten sverge på at der var eit kvart som ikkje var menneskeleg...




Frå flyturen heim...skodda låg som eit ullteppe på Gardermoen, men som alle veit, over skyene er himmelen alltid blå!!

Nedteljing!!

Mary Ann har gått å telt ned dagane til me skal reise til Oslo. I dag er det berre ein dag igjen, og no går nedteljinga på timar!!!

Kjenner at eg byrja å få sommarfuglar i magen. Er ikkje ofte ein er ute på tur, og i allefall ikkje utan alle ungane...vert litt rart å reise i frå dei to minste, sjølv om det berre er for to døgn.

Det vert spanande å sjå om me finn fram i den store vide verd. Snakkar meg om bønder i byen! :-)
Høyrde eg kart og kompass???

Svin mej midt bak!!!

I og med at eg har den jobben eg har, så var eg på det næraste pålagd å ta vaksine.
Så i går troppa eg opp på jobb, fekk eit stikk i handa, og gjekk på seinvakt. Det gjekk heilt fint, svei litt i huda, men ikkje verre enn at eg tålte det.

Så kom dagen i dag...verk i kroppen, kvalm, feber og frostrie...kan ikkje akkurat sei at eg var glad for at eg sprøyta SVINEriet inni kroppen.

Det verste er at om tre veker må me ta ei sprøyte til for å fylle på!!

Pandemrix...høyrest ut som broren hass Asterix og Obelix...

Men jau då. Satsa på at SVINEpesten helde seg vekk. Akkurat no lyt eg vere sofaGRIS ei stund og satse på at eg ikkje byrja å gro SVINEpels!!
At huset ser ut som en SVINEsti får berre vere!!

Vafle på gamlemåten...

For nokre år sidan fekk eg ein idè om å lage ein gapahuk i skogen. To veggar med tak er alt som trengs, og vips så har ein eit lite krypinn i skogen.

Me laga ei stor og god grue, som fyrst og fremst var tenkt til å spidde pølser over. Med ei gammal grillrist og heimelaga svartkjelhaldar, så har grua vore brukt til meir enn berre pølser.
Med litt planlegging har eg kokt heimelaga blomkålsuppe på bålet, og pannevafler har vorte steikte i steikepanne. Julafta i fjor hadde Asgeir med seg jentene, og julebesøket frå Bergen og kokte graut i gapahuken!! Snakk om julestemning!

No har eg vore på utkik etter eit gammalt vaffeljern til å bruke på bål. For 14 dagar sidan fekk eg tips om at på bruktbutikken hadde nokre sånne liggjande. Eg reiste sporenstreks ned, og fekk kjøpt herlegheita for 50kr!!! Eit ekte Jøtuljern, med store gode hjerteformer.


Vel heime sette eg i gong ein massiv prosess med å få vaska vekk fastbrent fett. Med Mr Muscle gjekk det meste vekk, resten skal brennast vekk over open eld.



Så var det tid for å prøve sakene.




Og slik vart resultatet!!




Med ekte skogskaffi til, og under open himmel, smakte vaflene himmelsk!!



Neste prosjekt i gapahuken vert å lage fleire sitteplassar med tak over. Mange vil vere med på tur, og tanken er at alle skal sitte turt og lunt. I løpet av hausten skal eg prøve ut enda ein skatt eg har fått, ein miniwok! Med litt planlegging, blir det om ikkje så lenge, sett i stand eit herremåltid i skogen! Gler meg!!!

Rongja

Søndag for ei lita veke sidan var det endeleg turvêr igjen. Me er så heldige, at me har flott turterreng rett utanfor stovedøra, så då gjekk turen opp på Rongja.

Rongja var ein gammal husmannsplass på Åm, og låg eit stykke opp i fjellsida på Åmnipa.

Frå gamle tider var Åm delt inn i to gardar/teigar, indre og ytre Åm. Rongja høyrder til ytre Åm, og Rongja-Karl var den siste som budde på husmannsplassen. Han flytte etter kvart fram i Vassenden.

No er det berre tuftene att etter husmannsplassen, men ein del av historia likevel. No går skogsvegen oppom tuftene, så dei er ikkje lette å sjå. Men utsikta frå Rongja er upåklageleg...

Veldig spesielt å stå på Rongja å sjå kor grønt det er enda på markane. Fekk ei kjensle av vår...

Astrid Oline synest snøen var god, og tok seg ein rikeleg jafs:-)

JAAAAA!!!!!!!

Den 4.januar 2010 skal eg ha den fyrste dagen min i fast stilling!!
I går fekk eg den gledelege telefonen frå Nevrohjemmet rehabiliteringssenter på Åse. Der skal eg jobbe 50% nattevakt, som sjukepleiar.

No tenkjer de kanskje:" å herlighet, skal ho til å pendle ho so he tre onga å hus å heim?"
Då må eg berre sei: JA DET SKAL EG, OG DET SKAL GÅ BRA!!
Det er klart det blir tøft, men eg er sikker på at når ein kjem inn i rutinen, så vil det gå heilt fint. Det viktigaste er å tenkje positivt! Det må vere ein grunn til at eg fekk jobben, ikkje sant?

I løpet av ein månad har eg 7 nattevakter, det vil seie ca 2-3 vakter i veka. Dette gjer at eg får periodar der eg ikkje er på jobb. I tillegg har eg fri i jula, påska og tre veker om sommaren. Då kan alle "friperiodar" nyttast heilt og fullt heime i lag med familien!! Det veg opp for at eg må ofre nokre netter heime!

Det blir spanande og eg gler meg til å ta til i jobben. "Berre" tre mnd igjen :-)
Så får me berre håpe at Timeekspressen ikkje legg ned rutene sine!!

JIPPIIIIII!!!!!!!!!!!!!!!!!!!!!

Håp i hangande snøre?

Kanskje det no skal gå min veg i arbeidslivet? I dag fekk eg ein opplyftande telefon frå ein institusjon eg søkte jobb hos. Eg hadde telefonmøte med ledelsen, og håpte eg gjorde eit godt inntrykk. Av 8 søkjarar hadde dei valt seg ut 4 til intervju. Eg var ein av dei!



I løpet av veka får eg vite om det vert eg eller ikkje. Har kanskje ei kjensle av at det ikkje blir meg, men eg skal tenkje positivt og krysse alle fingrane!!!



Eg vel å ikkje fortelje kvar eg søkte jobb, eg skal fortelje det når eg får endeleg svar!!

Eg har ein engel...

Tanta til Asgeir gjekk bort 14.september, av brystkreft.
I høve gravferda har svigermor spurt om eg vil syngje ein salme av Johannes Kleppevik;
"Eg har ein engel". Denne salmen er fantastisk vakker, og teksta speglar nok mykje av livet til tante Eva. Eg håpar at eg kan klare å synge den, og at Asgeir maktar å traktere trekkspelet sitt i lag med.

Dette blir den siste helsinga til tante Eva frå oss.

Eg har ein engel med meg på vegen
Han var der frå fyrste stund
Frå vogge til grav han lyser
Til slutt i min siste blund

Eg har ein engel med meg på vegen
I ungdom og song og vår
I livet han fylgjer med meg
I gode og tunge år

Eg har ein engel med meg på vegen
Når kvelden vert vond å gå
Han styrer mitt steg i natta
For dagen eg takkar då

Eg har ein engel med meg på vegen
Når livet mitt ebbar ut
Han syner meg himmelstranda
Her er ikkje sorg og sut



(Dersom de vil høyre melodien, gå inn på koblinga under og høyr Odd Arne Halaas synge den. Får dessverre ikkje lagt han inn på bloggen...)

http://www.youtube.com/watch?v=xwuCsNFB510

Fakirfakter!

Bildet er lånt frå abilicaonline.no

Ta ein tur innom http://kalimerablogg.blogspot.com/ og ver med i konkurransen om å vinne ei Shaktimatte!

Den er faktisk ikkje så verst å liggje på...og du blir mjuk og fin i kroppen!

På sykkeltur med fisk i sekken:-)

Søndag for to veker sidan pakka me i sykkelvogna og sykla ein lang tur. Me hadde tenkt oss til Berkneset, men såre lår og romper stoppa oss på Sørheim. Til og med onkel Odd var med på tur!!
I krysset der ein kan køyre rundt Berkneset eller opp til Eiksundsambandet, har dei fylt ut i sjøen, og det har laga seg ei fin strand. Lita og smal, og passar best ved fjøre sjø, men utan tang og tare(så lenge det varer) og grunt eit stykke utpå.

Asgeir prøvde fiskelukka då me såg at makrellen kokte tett utføre stranda. Å jammen mej, makrellen beit!!

Mary Ann syntest det var stor stas å få fisk. To makrellar vart det, og dei smakte godt og!!! Mary Ann veit at når ein fiskar, så må ein ta arbeidet etterpå også. Ho både knekte nakken og spretta fisken slik det sømmer seg ein ekte fiskar!

Smeis kor tida går! Storetausa har vorte 9 år!!

Eg synest det er ikkje så lenge sidan Mary Ann var nyfødd, og me prøvde og feila oss fram som foreldre for første gong. Tida har gått utruleg fort, og ho har vorte ei kjempeflott jente. Mary Ann er kjempeflink storesyster og ei godjente for mams og paps.

Bursdagsgåva frå oss var billettar til "Walking with dinosaurs" i Oslo Spectrum i oktober, med fly og to netter på hotell!! Gjett om tausa vart glad! Då eg spurde kva ho ønska seg, var det ein ny gullfisk eller ein fjernstyrt augestikkar(kva no enn det er...)Men då ho fekk billettane og las kva som stod på, så utbraut ho:Ja men ditte e no mykje beire!! Då visste eg at det var full klaff.

Kanskje ei dyr og litt for svær bursdagsgåve, men dette er ein once in a lifetime-opplevelse. Og så gjer det ingenting at mams og paps også vil sjå showet! :-)

Gå inn å sjå litt av showet her:
http://www.youtube.com/watch?v=m_9GnP-lhaY

By the way!!!

Åmdal trekkspelklubb kom på 8.plass i NM, ei grei plassering.
Idar Vatne(Ørsta/Åmdal trekkspelklubb) og Odd-Arne Halaas(Averøy) kom på 2.plass i gammeldansgruppe.
Kristina Leite(Ørsta/Åmdal trekkspelklubb) tok gull i blanda gruppe, i eit orkester samansett av folk frå heile fylket.

Gratulerer så mykje til dokke!!!

Bloggferie!!

De har sikkert merka at eg har teke ferie:-) Men eg kjem sterkare tilbake seinare:-)
Skal nyte 4 veker ferie, og ikkje tenkje på anna enn familien.
I morgon skal eg og min kjære på kjærast-ferie til Loen. Ein natt på Alex gjere underverk for trebarnsforldre!!
Nett no sit me på altanen å nyt eit par pils. Min kjære bror har kome frå Sverige på besøk, og treng litt norskundervisning:-)

Kjem sterkt tilbake om inkje so brått!! :-)

Heime aleine...igjen...

...i allefall nesten. Husbonden har pakka kofferten igjen og har lagt ut på langtur. No er det trekkspel-NM på Orkdal som gjeld.
Ho mor må vere igjen heime å gjere unna resten av turnusarbeidet, før fire veker ferie ventar frå mandag av!(eller søndag ettermiddag :-))

Takk og pris for svigermor som stiller opp som barnevakt medan eg er på jobb. Det hadde aldri gått utan ho!! Takka vere henne, ligg jentene no i sin djupaste, søtaste søvn. Det er godt å vite at dei er i trygge hender hos Besta:-)

Likevel gler me oss stort til søndag når papsen kjem heim!!! :-)

Ynskjer Åmdal trekkspelklubb lykke til i NM!!

Kvardagskunst?

Eg tek utfordringa til www.tovehd.blogspot.com, og legg ut bilete av vår kvardagskunst.
Definisjonen på kvardagskunst varierer mykje frå person til person.
Her er min definisjon!

Ein bukett løvetann, like vakker som ein bukett roser...


Kunsten å halde bunadane reine på to tauser som likar seg betre under molda enn over!!


Mi kjære bestemor på 92år(!)sit og hakkar gryteklutar til heile familien. Det er kvardagskunst på rett!!!


Ingen andre kunstverk kan måle seg med dette. Gullungane i sin søtaste søvn.

På gamle tomter...

På vei fram til Mossetra, kan ein velje å gå "gamlevegen". Den startar heilt nede ved Askjellhaugen gravplass og går frametter elva. Dette er ei vandring i historisk terreng. Å tenkje på at folk har gått der med hest og slede for fleirfaldige år tilbake er ikkje anna enn utruleg å tenkje på. Gamle steinmurar og spor etter gamle reser viser igjen i terrenget. Det er flatt og fint å gå, av og til noko vått, men trolsk og spanande!!

Når ein kjem "fram i bakkjen" der stigninga opp til setra byrjar, kan ein finne ei gammale tuft. Då folket på Mo gjette krøtteret fram i Mosdalen, laga dei seg "vakjarhus" til å opphalde seg i om natta. Tufta av eit slikt vakjarhus ligg i skogen nedfor setrevegen.



Det er fascinerande å stå der å sjå å tenkje på kor folk i dei hine hårde dagar levde og arbeidde. Går ein setrevegen, kan ein sjå fleire av vårfjøsane som står langsmed vegen. Somme kan ein gå inni. Spor etter folk og fe sit i veggane og vitnar om ei tid som var.



Det er mykje historie i nærområda våre. Dessverre har mange lita eller inga interesse i å ta vare på denne historia, og å fortelje ho vidare til neste generasjon. Håpet mitt er at nokre likevel fortel historia vidare. For det er utruleg spanande!



Her kom me oss på setra. Ei runde med "seitsing" er opplysande og spanande. Pappa med "Rambjørhonnje" i bakgrunnen.

Når uhellet er ute...

Då er det godt å få litt hjelp... Onsdag var eg på seinvakt, og hadde avtale med mi kjære mor at ho kanskje skulle sitte på heim etter fjellturen ho var på. Tida nærma seg for at eg skulle fare og eg ringde ne mor for å høyre om ho fortsatt skulle vere med.


"Ja nei ej e på vei til Volda igjen på røntgen, so du kan no kanskje kome dit opp å hente mej? Ej glei og datt på vei ned frå Rotsethornet, og vrikka ankelen."


Oi sa eg og tenkte at det var sikkert ikkje godt og lurte på korleis ho hadde komt seg ned frå fjellet og heim. Kjekke og sterke mannfolk i Volda kommune og snille kollega som troppa opp med bil for å køyre henne til lege i Ørsta og tilbake til røntgen i Volda...


Dokter?? Nei, ho skulle ikkje til nokon dokter, ditta går over det når ho berre fekk kome seg heim å dusje å kvile seg litt. Men dokter vart det, når sjåføren også, heldigvis, var av den stirrige sorten!!


Jau røntgen måtte til, så eg køyrde til sjukehuset for å hente henne, tenkte at det var vel ei forstuing og at dei surra med linde etter beste evne.






På sjukehuset vert eg møtt av radiograf Kalland, "det er nok eit brudd i ankelen, men det står fint, men legen vil ha bilder av heile leggen og kneet også..." Javel seier eg, og der kom ho mor. I rullestol og foten rett fram. Sveitt og skita etter fjelltur, og eit lite snev forbannja..."ditte her hekje ej tida til, hakje tenkt at ej skolde hit ej!!" grrr...snerr..
Nei det hadde du vel ikkje tenkt. Men det var no bra at en kvan meinte at du skulle!!

Nye bilder viste ingenting heldigvis, så det vart ikkje verre enn kva ein trudde. Ortoped Topphol kjem inn for å undersøkje, og seier "me må nok gipse, sjølv om det er på grensa, det vil vere det beste."

Det hjalp lite å protestere, sjølv om ein prøvde...Gipslasken vart lagd på under nøye observasjon av dottera:-)

"Ej skolda no fått vaska foten før han vart gipsa...søren ta...fe no ikkje dusje mej heller no!!"

"So må du no regne me et par veke sjukmelding" sa legen... "TO VEKE??? DE KJØME IKKJE PÅ TALE, DE HEKJE EJ TIDA TIL!!!" var svaret han fekk tilbake. Så med litt tilrettelegging var dama på plass igjen på jobb på torsdag.

Så moralen er mine venner, ha alltid med gode venner på tur, gjerne store sterke kara. Sats på at sjåføren heim er stirrig og køyrer innom legen på veg heim. Det kan fort løne seg.

Og sist men ikkje minst; bit tenna i hop å gå på jobb dagen etterpå, du er uunnværlig!!!!

(ikkje meint som anna enn godhjerta mobbing mamma! :0))

Sjuklingar...

Jaja....so greidde me å drage på oss sykja også...

I frykt for å gjere nokon kvalme, ja det er spyå eg snakkar om.
Heile dagen har gått i bøttetømming, cola og potetgull, litt blåbærsaft med helsekost i, og soving. Til og med husbonden ligg rett ut, han som aldri plar vere sjuk!! Jau bank i bordet...

No skal eg tilbringe natta på stova i godstolen, med minsta på fanget og bøtta på golvet. Alt rundt meg innan rekkjevidde, og eit lite håp om at denne gongen var den siste kula...

Så får eg be til høgare makter om at eg slepp unna denne gongen, for det er verste sykja ein kan drage på seg.

jaja...vi får håp at det blir likar i morra...

Bakings!!

Måtte berre skryte litt av dei SNYTA gode horna eg baka her eine dagen, eller honnj som me sei fram på dalè. Fekk brått eit anfall av bakelyst, då frysaren var tom for brødmat.

"Honnja" er fort gjort å lage, og ein får rundt 40 stk av ei deig.
Når dei er nysteikte og varme, er dei kjempegode med eit par sneier kvitost inni!
Rett og slett SNYTA go!:-)








Med nokre posar med slike horn i frysaren, har ein alltid noko godt å servere, enten til gjestar eller til ein god søndagsfrukost. For å få variasjon, kan ein ha reven ost i deigen, eller fylle horna med pizzafyll. Kjempegodt!!

Vårens vakraste eventyr!

Vil berre minne alle som er innom bloggen min på vårshowet til ballettskulen til helga.
I år er alle kostymene nye, og det er sjølvsagt ny koreografi. Jentene og gutane som er med og dansar er kjempeflinke, og i år som alle hine år er det eit flott show!!!

Billettar får du på www.orstakino.no

Fredag kl 19
Laurdag kl 17
Søndag kl 15

Alle er hjarteleg velkomne!!!

Endeleg vår!

I helga hadde endeleg mamma og pappa tida til å ta ut trampolina frå vinterdvalen. Jentene var flinke å hjelpe til, og på eit lite blunk var trampolina klar til bruk igjen.

Mary Ann og Astrid Oline øva seg på salto, eller stupe kråke om du vil :-)

Dessverre hadde sikkerheitsnettet fått litt hard medfart i fjor, så mor måtte kjøpe McGyver-teip på mandag for å fikse det. Jentene fann fort ut at det var tryggast å vente til nettet var på plass, men når mamma og pappa passa på, hoppa dei litt likevel.

Søndag var det nydeleg vêr tidleg på dag. Me pakka i bilen og køyrde fram på Bondalseidet. Ikkje for å gå på ski nei...he he. Der ligg eit lite vatn, Videtjørn. Der skulle me prøve fiskelukka for første gong i år. Dessverre var det kun botnalaks å få. På mest alle kasta gjekk sluken i botn, og på siste kastet til Mary Ann, kom sluken aldri på land igjen. Då var det godt at bestefar nett hadde kjøpt nye slukar!!

Her må pappa hjelpe til å feste sluken.

Sjølv om det var sol, var det ein fole kald vind, men me kosa oss i lyngen med nistemat og kakao. Og når ein la seg heilt med i lyngen var det eigentleg varmt og fint. Etter eit par timar reiste me heim, tomme for fisk, men rike på nye vårgjele!!

Neste gong får me håpe det er både fisk å få, og lite vind!

Triveleg med besøk

Eg var nysgjerrig på om det faktisk var folk som var inne å kika på bloggen min, difor laga eg til ein besøkstellar. ( Ein kjedeleg ein sådan, men den fungerar:-))
Til mi store overrasking auka talet på besøkande for kvar dag. Det synest eg er kjempekjekt, og veldig spanande!! For kven er alle dokke som er inne på bloggen? Dokke må gjerne legge igjen ei helsing og gi tilbakemeldingar på bloggen. Det er berre kjekt å sjå at det er andre enn meg sjølv som er inn på og kikar!

Frå å vere ei som aldri skulle lage blogg, har eg no vorte av dei som er inne kvar dag ein liten tur for å sjekke om det er nyhende. Kanskje har eg fått helsing frå gamle kjende som har funne link til bloggen min hos ein medbloggar. Kanskje har eg fått kommentar på bloggen min, eller rett og slett berre ser at talet på besøk har auka litt meir sidan i går. Veldig spennande!!

Eg håpar at eg etterkvart får litt meir dreis på å legge inn bilde og innlegg, og at bloggen blir representativ for meg og familien min. Det får vere eit av måla framover :-)

Fole kjekt om du vil legge igjen ei helsing på bloggen, men sjølvsagt ingen tvang! :-)

Vårteikn

No er endeleg våren her, og det ligg ei forventing om sol og godt vêr i lufta. Det sikraste vårteiknet nest etter snøklokker og kvitveis, er dekkskifte!!

bilda er lånt frå Sharif.no

Her ser du dekk og felg som eg bestilte.

No må eg berre bryte i hop og tilstå, at en fin, rein bil med stilige lettmetallfelgar er tøft. Uansett om det er familiebil eller sportsbil.

Så i går vaska me bilen, min kjære og eg, og i dag tidleg var eg inn på Sharif.no og bestilte nye sommardekk og nye lettmetallfelgar!!! Det reiv i lommeboka og bankkortet krympa to størrelsa, men steik kor kjekt det blir å stæsje bilen litt!!

Det beste ta alt er at eg hadde like mykje lyst på nye felgar som Asgeir, og at det faktisk var eg som slo til og kjøpte dei!!

Dersom du skal kjøpe nye dekk i år, vil det lønne seg for deg å gå inn på www.sharif.no. Alle prisane er inkl moms og frakt. Varene blir leverte hos Waagan Transport på Blindheim i Ålesund, og kjøper du dekk og felg, får du dei ferdig på balanserte på felg.

Hugs å sjekke vognkortet før du kjøper dekk. Der står det kva dimensjon dekka skal ha, og kva hastigheit dei er rekna for. Les om dekka og samle inn tilbod. Sats på kjende merke som Continental, Michelin, Firestone, Pirelli og Nokian framfor andre ukjende merke. Det lønner seg å bruke nokre 100-lappar ekstra. Du vil få mykje igjen for det når du startar køyringa. Du kan spare drivstoff, du får betre køyrekomfort og køyreeigenskapar, du vil få mindre dekkstøy og bilen vil ligge betre på både våt og tørr vegbane. Dessutan kan du ha dekka fleire sesongar, forutsett at køyrestilen din ikkje slit dei ut! :-)

Gler mej til nyedekka kjøme!!!!!!

Godt dekkskifte folkens!!

Bursdagsfeiring!!

Og så var dagane her igjen...småtausene har bursdag!! 5. og 6. april er store dagar her i huset. Sigrid Marie vart 2 år og Astrid Oline vart 4 år!!

Tida går så altfor fort og eg skulle ønske at dei kunne vere små lenger. Samtidig ser eg fram til at dei vert meir sjølvstendige og ikkje er så totalt avhengige av oss.

I dag har vi hatt fullt hus med heile familien. I morgon skal Astrid Oline få ha barneselskap for aller første gong, og ho gler seg veldig!! Eg gler meg til selskapet er over... :-) ..nei det skal verte kjekt for Astrid å få besøk av venane sine, og ho ser fram til dagen med forventing.

Kaker må til, og i morgon skal me lage sjokoladekake med 4-tal på :-) Elles har me laga gulekremkake og Asgeir leita fram konditoren i seg og tromma i hop ekte heimelaga bløtkake!! Steik for en flinke mann eg har!!!

Bilder kjem...håpar eg :-)

Steikje fine gardine!

No er eg så kry av meg sjølv!! Eg har sydd nye gardine på kjøkkenet! Ikkje det at dei var så veldig avanserte, men du verden... EG HAR SYDD DEI!! Eg som ikkje finst flink med hendene i det heile tatt.
Tre panelhøgder måtte til. Fire saumar på kvar gardin. Ikkje den heilt store jobben altså. Mamma kom med symaskina si, slik eg fekk bruke ho. Og det gjekk faktisk steike fint!



Spørs no då, om eg må ønske meg symaskin til bursdag eller jul. Fekk litt blod på tann no når eg såg kor greitt det gjekk å sy, men utstyret må sjølvsagt vere i orden.

Stova fekk også nye gardine til påske. Dei har eg ikkje sydd sjølv, men kjøpt ferdig på Stil og stemning. Tusen takk Kari for at du viste meg dei!

Og tusen takk til det kloke hovudet som kom på å lage panelgardiner! Enkel og grei genistrek!


Endeleg fått inn bilete av gardinene. Ikkje akkurat hokus pokus verken å sy dei eller legge dei på bloggen. Ser det faktisk no at dei kanskje er litt kjedelege og lite kreative likevel??? Jaja, dei får henge til jul tenke eg så blir det vel nye neste år igjen!!!