Christoffer 18 år i dag!

Må no berre gratulere eldste tanteungen min med 18 årsdagen i dag. Verte dessverre litt langt å køyre heilt til Trollhättan for å ete kake, men me fe ta d igjen til sommaren! Ikkje sant Stoffe??

Lykke til med körkort og stæsja Volvo ;)

GRATTIS DÅ, STOLE DUTEN VÅLA! ;) ...hihihi...

Nytt kamera

Eg har endeleg kjøpt meg nytt kamera. Eller det vil sei brukt kamera. Ei god veninne av meg skulle selje sitt Canon EOS 30D speilreflekskamera, og eg slo til :)

No har eg hatt det sidan romjula og har leika meg og prøvd å finne ut av funksjonar, dingsar og duppedittar. Det er VELDIG mykje å finne ut av, og eg som ikkje likar bruksanvisningar har måtta bite i det sure eplet og lest...mykje...

Eg er ikkje på langt nær utlærd, og kjem nok aldri til å verte det heller. Men det er kjekt å kunne leike seg med å komponere bilete å vite at resultata nesten alltid vert bra!

Akkurat no låner eg eit objektiv med veninna mi. Det eignar seg best utandørs ettersom det er litt stort, 55-250mm. Er på leit etter eit litt mindre objektiv som gjer at eg kan ta betre bilete innandørs. Men dei er frykteleg dyre! Her hadde lottomillionane kome veldig godt med! :)

Her er eit lite utvalg frå kamera :)

Mykje å lære! Men veldig kjekt :)

Teljaren stige!

Ser at teljaren stig mot 10000 besøkande. Det hadde eg ikkje forventa då eg starta med bloggen for to år sidan. Ser ut til at de likar bloggen då ;)



Lurte på om eg skulle gjere noko ut av det, feire liksom. Lage meg ein gi-vekk som mine lesarar kan vere med på? Hadde det vore løye?



Må gruble litt i dag på korleis eg eventuelt skal premiere :)



Legg igjen ein liten kommentar på kva DU synest ;)

Tombola

Ver med på tombola hos mola-mo.
Dette er ei flott ørstadame som arbeider med illustrasjonar. Ho har mykje flott arbeid og har nyleg opna butikk på epla.no.

Ta ein kik inn å ver med på tombola du og :)

Godt nytt år 2011!

Året som har gått har vore både veldig godt og veldig trist.

Eg har for fyrste gong fått fast stilling som sjukepleiar. Det inneber dessverre å pendle til Åse, men eg har greidd eitt år og skal nok klare eitt til.

Eg har måtta tatt farvel med to besteforeldre dette året. Begge dødsfalla kom som lyn frå klar himmel, og har prega året veldig. Me sit igjen med eit stort sakn som tek tid å takle.

Eg og Asgeir fekk endeleg gifte oss i sommar. 12 år etter me trulova oss. Dagen vart heilt spesiell og me er veldig nøgde med alt!

Eg fylte 30 år og feira stort. Kun talet og rynkene i ansiktet tilsei at eg skal vere ei vaksa dame...

Me var på familieferie i campingvogn for fyrste gong i sommar. Det var ei artig erfaring. Til sommaren skal me prøve teltet me fekk i bryllaupsgåve, Bergans Wiglo!

Fleire av mine beste veninner har fylt 30 år, og me har fått vore med å feire ;)

Tanteungen min Lene, som eg er fadder på vart konfirmert i mai.

Mormor feira 80 år med heile familien samla, 5. juni.

Mamma og pappa fylte 60 år og hadde grillfest på plenen heime med tyrolerorkester og heile familien.

Eg har enda ikkje fått Facebookprofil, og skal heller ikkje få det i løpet av 2011!!!

Sigrid Marie har hatt ei kjempeflott utvikling i haust takka vere god hjelp i barnehagen.
Ho er aktiv og pratesalig! :)

Astrid Oline går no siste året i barnehagen, og er SO klar til å byrje på skule.

Mary Ann vart 10 år og er veldig flink på skulen. Ho har også vorte veldig flink å spele kornett.

Me fekk oss katt. Jentene greidde å overtale oss... Kitty kom i hus i august og er ei kjekke kjette.

Me feira jul heime og hadde ein god ferie i lag. Nyttårsafta vart feira på Mo i lag med dei der.

Håpar at året som kjem vert fylt med glede, latter, gode opplevingar, flotte turar, meir overskot og energi, gode besøk til familie og vener, kanskje ny jobb i nærleiken, og ikkje minst mykje kjærleik!

GODT NYTT ÅR TIL ALLE MINE LESARAR!!