Førskuledagar på Åmås friskule!

Tausa har vore klar lenge. Veldig lenge. Rosarusstida er over, og no er det kun skule som gjeld.

I tre heile dagar skal dei fem fyrsteklassingane vere ilag på skulen. Teikne, lese, skrive og oppdage.

Dei skal få heilt fersk lærar også, som ny og ubrukt står:) Ho hadde til og med gåve til alle elevane sine. Heilt nye forstørringsglas! Kjekt å fare på oppdagingsferd med lupe, ein ser so mykje spennande då!

Astrid Oline ville ikkje heim etter skuleslutt i går. Tårene spruta og hulka var høge, ho skulle ikkje tilbake til barnehagen nei! Det enda med at ho skulle vere med heim. Det var litt betre enn å fare til barnehagen igjen...

Kven sa skuleklar?

Kom mai du skjønne milde...

Utsikt frå hagen vår.

Ein heilt nydeleg 1.mai i går baud til både kortebukse og t-skjorte. Litt kald nordavind var det, men i lune kråer var det skjere sommaren :)

Diverre brukte eg mykje av dagen på varetelling i lag med hornmusikken, men fekk litt sol på ettermiddag.

1.mai for meg er berre ein kjærkomen fridag. Eg er fagorganisert, men ikkje noko meir enn det. Eg er under middels interessert i både politikk og organisasjonsarbeid. Somme ristar kanskje på hovudet no, men eg har so mykje anna eg interesserar meg meir for som eg heller prioriterar.

Men heisar det norske flagget gjer eg!

Me feira svigerfar i går som fylte 68 år den 30.april. Svigermor diska opp med kaker og is. Herlig herlig :) ...sjølvsagt låg kamera igjen heime...

Som i mange andre hagar så er trampolina koma opp. Jentene storkosar seg. Spesielt Sigrid Marie har god nytte og trening med å hoppe. Me har ikkje sikkerheitsnett på trampolina av den enkle grunn at det er øydelagt. Kjem heller ikkje til å kjøpe nytt. Me har klare reglar for bruken, dei har ikkje lov å ha ting og tang oppå medan dei hoppar, og dei skal halde seg på midten slik at dei ikkje trakkar seg ned i fjørene. Eg synest dei kan lære seg til å bruke vett på trampolina, og ikkje stole blindt på at nettet hindrar skade. Ein har ingen garanti for at du ikkje dett på bakken sjølv om du har nett. Det har nemleg eg erfart!

Mary Ann og Astrid Oline flyg høgt over bakken i frydefulle svev :O)

Litt frå vår fyrste mai-dag. Kan vel ikkje verte stort betre enn dette :)

Korleis har dagen dykkar vore?

Mary Ann 10 år i dag!!

Ei jente med mange interesser, men fisking og badeliv står hjartet nærast.
Ei god jente som likar klem og kos med mamma og pappa, men som også synest det er godt å vere heimanfrå ei stund. Ei kjekk storesyste som likar å plage litt;) men som stort sett er flink å hjelpe småsystene. Ei jente som er på veg mot å verte ungdom.

Storejenta til mamma og pappa! Me e kjempeglade i dej Mary Ann!
Gratulere så mykje med dagen i dag! Gler oss til rekeaften i kveld i lag med heile familien!

Astrid Oline 5 år i dag!!

Endeleg er dagen her! Dagen som me har telt ned til i to veker! Det vert feiring i barnehagen i dag, og barneselskap til helga, og ho gler seg veldig!

Astrid Oline har vorte ei stor og flott jente, og skulealderen nærmar seg kjapt...

Å vere "ho i midta" er ikkje alltid like kjekt, for liten til å vere stor og for stor til å vere liten...

Til bursdagen sin skal ho endeleg få sin heilt eigen sykkel, som berre ho skal få bruke. Då er ho akkurat passe liten og akkurat passe stor :-)

Gratulerer så mykje med dagen godjenta vår! Kjempeglade i deg:-)

Likkjetausa vår er 3 år!

I dag er det 3 år sidan Sigrid Marie vart fødd. 05.04. 2007 kl 08.30 var me på vei til sjukehuset i Volda. 3 timar seinare var yngste jenta vår fødd! Du verden kor stolte me er.

Skjebna ville det slik at Tone også var på vei til sjukehuset, og seinare på dagen kom vesle Malin til verda. To flotte jenter med same dato!

Sola skin frå knallblå himmel, det ser ut til å verte ein kjempeflotte dag!

Gratulerer så mykje til begge to! Kjempeglade i dokke!