Gratulere me dagen paps!

E no vel råd å få sej ei løfse eller to? Eller kanskje litt marsipankake? Eller skal me ta oss en kanotur på Vatnevatne å grille pølse på bål attistaden? 

Gratulere so mykje med dagen pappa, me e veldig glade ti dej!  :)

Tannlegeskrekk?

Astrid Oline var til tannlege no sist mandag. Der kunne dei fortelje at ho hadde veldig liten plass i overkjeven, så 6 årsjekslane kjem ikkje ut på rette måten... Det vil seie dei måtte trekke begge 2.jekslane i overkjeven for at det skulle verte plass... Ikkje ein veldig triveleg beskjed å få. Eg har sjølv trekt jekslar, og hugsar det som veldig ubehagleg.

I dag var d-dagen. Ho har grugledd seg. Veldig spent i dag når ho kom ned til tannklinikken. Skrekkblanda fryd då ho sette seg i stolen. Så fekk ho ein kopp med "sovemedisin", og vart gradvis trøttare og trøttare. Så skulle ho ha bedøvelse på innsida og utsida av tennene. Det var ikkje noko godt, sprøyte inni munnen er faktisk noko av det verste som finst!

Så var det klart for trekking. Både mamma og pappa var der for å halde ho i handa, stryke over håret, tørke tårer som kom fordi det var skummelt...Ein stad mellom søvn og våken tilstand vart tausa to tenner mindre. Det gjekk nesten heilt knirkefritt, eine tanna knakk, så ei lita flis med rot står igjen, men den vil kome av seg sjølv.

No har tausa sove i tre timar, heilt utslått. Vakna no med rumlande mage... Det ser ut til at ho snart er tilbake til seg sjølv. Og bra er det. Eg likar det ikkje når ungane er påverka av medisin.

So gjenstår det å sjå, om Terje Tannfe gir god valuta for tennene. Synest ho skulle hatt mykje penge for dei! Uten hol som dei er! Flinke Astrid-tausa mi! Tøff er du!

Pudderdude!

Me brukte siste helga i vinterferien på ski. Heile familien i sving. Laurdag fekk Sigrid seg ein dag heime. Då brukte me tida på dei to andre og kosa oss i trekket. Pudder, skog og ikkje minst høg fart vart testa ut. Veldig kjekt!

Asgeir var skjere pudderduuden der han fauk rundt i snøven. GODE SKI ALSO!!! :)

Men so var det på ein måte gjort med den helga. Veret har vore skitdårleg siste vekene og når eg i eit anfall av å skulle tøffe meg, tryna so saftig på ski og slo meg halvvegs helselaus, så har skisesongen vorte meir eller mindre avslutta for i år...

So no har me leita fram syklane våre, pussa dei og gjort dei klare for ny sesong. Det vert vel til at eg gjer meg ei kraftig velt på sykkel no då... ;)

Gjer det skikkeleg når ein fyrst gjere det ;)

Investering

I fleire år har eg gått å hatt lyst på nye ski. Det er ei ganske tung investering som eg ikkje har teke meg råda til tidlegare. Skia har eg hatt i 16 år, so det var i grunnen på høg tid å få bytte dei ut. Ungane har alt dei treng av skiutstyr. Mange å arve etter og mange gode tilbod å handle på. Så i år var det mams og paps sin tur.

Eg har kika i fleire månadar, spurt og lurt, kika enda meir. Til slutt enda eg på ei nettside, vpg.no. (Vertical playground) Der fann eg ski med bindingar, til halv pris! Eit kupp for ein gneten sunnmøring!

Skia heiter G3 Soulfly 2011/12. Breie ski som eg kan gå på fjellet med om eg vil, og sjølvsagt vere med ungane på skiheisa og ha det veldig kjekt i bakkane der. Har prøvd dei nokre gongar på Bondalseidet, og dei her heilt annleis å renne med enn dei gamle skia... Godt utstyr har faktisk alt å seie for ferdigheitene i bakken. Folk kan sei kva dei vil, men det er berre fakta!

Asgeir har også ski som er over 16 år gamle, så når "orkanlønna" kom, so vart det jammen ski på han og! Han fekk G3 Saint 2010/11 med binding, til halv pris. Veldig kjekt å handle når ein finn slike gode tilbod.

Alpint er ikkje vår grein, så det vart telemarkski på oss begge. I tillegg kjøpte me nye sko, Asgeir fekk heilt nye Scarpa T2 EVO, medan eg kjøpte brukte Black Diamond Trance. Eg har ikkje fått prøvd skoa enda, men gler meg til kveldskøyring i morgon, då skal det testast!

Motorsagmassaker for damer

Eg har då funne ut at eg skal verte eit skikkeleg kjæringemne. Sjølvhjelpt til fingerspissane. So i dag kl 12 skal eg møte opp på Felleskjøpet iført hjelm, sagbukse og vernesko. Då skal eg nemleg på motorsagkurs for damer!

Det skal verte meg eit artig skue. Eg som knapt har teke i ei motorsag...

Eg har nemleg 2 store planar i år. Må ha alternativ dersom plan A ikkje går. Plan B er å verte ein kløppar i å felle skog.

Plan A får de dessverre vite lite om enda, men eg har vore på kurs for å utvikle den planen også ;)

So då håpar eg at eg har to hender og to føter når eg kjem heim i ettermiddag... ;)

Long time no see...

Stilt og fredeleg her inne på bloggen for tida. Har ikkje tatt meg bryet med å skrive innlegg frå jul heller... Jula kom og for slik ho gjer kvart år. Einaste forskjellen var at Asgeir var på jobb mest heile romjula. Sånn er det når ein jobbar med straum :)

Me kosa oss likevel, med stearinlys, familie og ein aldri så liten skalkefest ;)

No ser eg fram til eit nytt år som gir enda meir energi enn året som gjekk.

Eg har ingen nyårsforsett, men har som alle andre tenkt å trene meir, leike meir, besøke meir folk, osv osv. Eit steg i rett retning er at eg har kjøpt meg nye telemarkski. Dei eg har er 16 år gamle!! På tide at mor i huset kan spandere på seg skikkeleg utstyr!!! Må kunne halde fylgje med bonnja når dei er på Eidet veit de! Kjøpt på salg, så då svir det pittelitt mindre i lommeboka...

Har ikkje vore flittig med kamera heller siste tida. Alt har liksom vore eit ork og eit tiltak. Håpar det snart går over ;)

Sidan eg var så godt i gong med fine songar på bloggen, her er ein frå Ane Brun som er berre heilt nydeleg...