Distriktsmeisterskap på trekkspel

I helga var det DM på trekkspel i Molde. Åmdal trekkspelklubb stilte som vanleg opp.
Dei vann sølv i si gruppe, gamaldansorkester.
Etter mi meining burde dei tatt gull men...dommaren dømme som det heiter i handball.

Gratulerer så mykje til trekkspelklubben!

Påskenøtter!

Ta ein tur innom Petunika for å vere med på påskenøttene deira.
Veldig fine gevinstar laga av to damer uta bya
:-)

Lykke til!

Eg tek utfordringa!

Janne Tove hadde ei utfordring til sine lesarar, den tar jeg!

Her er mi positivliste!

*Eg vert trøtt og lei bråk og rot frå ungane, men eg har tre flotte, friske, oppegåande og nydelege jenter!

*Eg har ein kjærast som er glad i meg, sjølv om eg er aldri så sur og grinete

*Eg har verdas beste svigermor

*Eg har flott natur rett utanfor huset

*Me kan ete oss mette kvar dag, sjølv om ikkje alt fristar like mykje

*Eg er ikkje flink til å drikke vatn, men kan servere det beste vatnet i verda kvar einaste dag

*Det er ikkje alltid eg har lyst til å gå på jobb, men eg har ein jobb å gå til

*Eg resirkulerer glas, metall, plast og papir, slik bidreg eg til eit betre miljø.

*Eg elskar å få andre til å le

*Etter 15 år skal me endeleg gifte oss!!

*I dag er det 10 plussgrader ute og sola har vore framme, det var deilig å gå uten jakke!

*Livet er herleg!

Tek du utfordringa???

Blå swix....

Det spørs om det vert fleire turar på ski med sytalaus smøring. I heile vinter har det vore blå swix under skia, no er det snart påskeføre og klister som gjeld. Då vert det straks meir arbeid med å kome seg på ski.




Eg får heller dele siste turen på blå swix med mine lesarar. Sist det var sol frå blå himmel, gjekk eg lysløypa på Mo. Setraveien fram til siste vårfjøsen og ned på Daleteigen på veg heim. Då eg var mindre var det alltid her framme me gjekk på skitur. Løypene i år har vore kjempeflotte, og langrennsgruppa har gjort ein kjempejobb med å få opp lys og preparert løypene.




TUSEN TAKK FOR AT DOKKE LEGG TIL RETTE FOR FLOTTE SKITURAR!!!!

Første vårmånaden...

Men det skulle ein ikkje tru. Snart ein meter med snø, tjukk snøkave og minusgrader minner lite om vår og at klokka snart skal skruast fram.

I staden lavar snøen ned, eg sit inne med spysjuke ungar, OL er eit tilbakelagt kapittel og Disney-channel har teke over kommandoen i heimen. Kan ikkje nekte for at eg no gler meg til sol, sommar og varme!!

Men for all del, eg synest me har hatt ein eineståande vinter. Ein slik vinter me berre har drøymt om i fleire år. Ikkje har me hatt slapseføre og regn, jau ein dag i løpet av etterjulsvinteren. Men stort sett har me hatt sol og skyfri himmel, knallføre på ski og fantastisk, fantastisk vinterver!

Om 4 veker er det påske, og påskeføret lovar bra. So satsar me på at det vert sol og varme i påska. Ein forsmak på sommar hadde gjort seg!! :-)



Ja ja, tilbake til verkelegheita...klysene vert fleire og eg går snart tom for salmiakk...
Hata spyå!!!