I år som i fjor skulle me på campingtur til Sverige. Me hadde lova jentene ein tur til Leksand sommarland ved Siljan med campingvogna til bestefar.
Det vart ikkje campingvogn, men vel ei veke låg me i telt. Me fekk nemleg eit heilt utruleg flott telt i bryllaupsgåve i fjor. Kjempestort og lett å slå opp. Jentene synest det var spanande å ligge i telt, kanskje litt for spanande når det HØLJEregna og torevêret sette i gong...
Første natta leigde me hytte på Bjorli. Me kom oss avgarde litt seint på dag, så fyrste etappe vart kort. Dagen etter fekk me oppleve vår aller fyrste bilsjuke unge...sei ikkje meir om det, anna enn at me frå no alltid har våtserviettar i bilen...
- Gjengen framma dala
- Dette er oss: Asbjørg, Asgeir og dei tre jentene våra, Mary Ann, Astrid Oline og Sigrid Marie. Bloggen tek deg med på ei lita reise i vår kvardag der natur, musikk, handarbeid og gode opplevingar er viktige for oss. Håpar at du som les vert inspirert, glad, rørt, og ikkje minst vil trivast her inne på bloggen. Det er veldig kjekt om nettopp du legg igjen ei lita helsing til oss :-) KOS DEG!
Viser innlegg med etiketten Ferie. Vis alle innlegg
Viser innlegg med etiketten Ferie. Vis alle innlegg
onsdag 10. august 2011
Sommarferie 2011!
Neste stopp vart ved Femundtunet camping. Her slo me opp teltet og vart verande i to netter. Mary Ann ville prøve fiskelukka i Femunden, men det var for mykje vind til å fare utpå med kano. Humøret steig betrakteleg då bestemor og bestefar kom på besøk til oss på campingen. Dei vart med oss resten av turen også :)
Her fekk me også den uverkelege beskjeden om at Noreg er råka av terror. Eg må innrømme at eg tenkte; "bombe, javel. Det kan ikkje vere så mykje gale." Det vart så fjernt når ein ikkje hadde radio eller tv for hand. Lite visste eg då. Me fekk kome inn i peisestova på campingen og sjå nyheiter på tv. Då fyrst gjekk det opp for meg kor gale det faktisk var... Det såg verkeleg ut som om det var filma i Beirut eller Gazastripa, ei slik total øydelegging hadde eg aldri i min villaste fantasi turt å tenke på at skulle råke Noreg endå ein gong. Vantrua vart difor enda større då me fekk beskjed om at det var 10 drepne på Utøya, og talet steig... Det sette seg ei tung sorg i brystet den kvelden som ikkje kjem til å sleppe taket på lenge.
Eg må innrømme at eg følte meg litt utrygg i teltet vårt den natta.
Ferien vår gjekk vidare, sjølv om me hadde hendingane i Oslo og Utøya med oss heile tida.
Me kom oss til Mora i Sverige og det som skulle verte ei natt på Moraparken camping vart til sju netter. Me storkosa oss med bading, is, shopping, enda meir bading og soling. For me fekk eit fantastisk vêr. Gradestokken passerte 30 grader, og sola farga dei bleike kroppane gyldne. Utruleg deilig! Jentene storkosa seg heile ferien, og Mary Ann fekk seg til og med nye campingvener.
Turen heim gjekk i eitt. Me køyrde rett heim og var heime i 03 tida søndags morgon. Å legge seg i senga si etter vel ei veke i telt, var faktisk FANTASTISK!
Her er nokre av den MANGE bileta frå turen vår. Fleire kjem nok seinare :)
Ein ferie me ikkje kjem til å gløyme verken på godt eller vondt.
Varme tankar går til alle dei har misst og som er skadde etter tragedien i Oslo og Utøya
tirsdag 12. juli 2011
Æsj...
Får ikkje til bloggen slik eg vil...
Tek ferie til lysta og den evig fråverande kreativiteten min brått dukkar opp.
Ha ein henrivande sommar, med regn, tore og lyn og det som måtte fylgje med! :)
Tek ferie til lysta og den evig fråverande kreativiteten min brått dukkar opp.
Ha ein henrivande sommar, med regn, tore og lyn og det som måtte fylgje med! :)
tirsdag 26. april 2011
Påskeferien over for i år
Og me prisar sommaren. For det var vel han som kom? Herleg med sol og varme. Eg vil tru dei aller fleste har kjent eit snev av klaustrofobi i løpet av dei siste 6 mnd. For all del, eg er veldig glad i snø, men til og med for meg vart det nok no :)
Me har hatt fri alle mann i påska, og me har kosa oss veldig. Vafler på altanen, grill, sykkel, trampoline og litt bursdag.
Asgeir fylte 35 år palmesøndag, og me hadde huset fylt med kakegjestar.
Det aller sværaste var vel påskeafta. Då pakka eg ungane i bilen, og tok med mormor på handletur. Då me kom heim, var Asgeir nett ferdig med nedvask på rommet til Astrid Oline. Ho skulle få nytt rom i bursdagsgåve med oss. Han hadde fora vindu, lista tak, golv, dør og vindu så alt var klart til innflytting.Astrid Oline var veldig spent, og grugledde seg. Ho skulle ligge nede aleine for fyrste gong, sidan Mary Ann var på påsketur.
Då ho kom seg i seng vart ho veldig trist og sa, "ej vil egentli ikkje ha nytt rom". Stakkars jenta mi! Det reiv i mammahjertet då. Ho har alltid måtta dele rom med systrene, og alltid hatt nokon i lag med seg om natta, klart det vart skummelt å plutselig skulle sove aleine. Forstod ho godt eg...
Natta etter gjekk det litt betre, då låg Mary Ann vegg i vegg og alt vart litt tryggare. Eg trur nok det går betre etterkvart. Når tante Marianne får handle på Ikea til oss, så skal me gjere det enda betre på rommet med tepper og anna stæsj :)Mary Ann var på skitur på Strynefjellet i helga. Pappa hadde leigt Kvitberghytta som ligg på andre sida av fjellet for Danskehytta. Der isfiska dei, laga skihopp, krangla med lemen og kosa seg i strålande sol. Ekte påsketur med andre ord.
No ser eg fram til meir vår, sol og sommar. Om tre veker er det konfirmasjon her på garden, då skal Anders stå for presten:) Må vel til å sjekke ut om alt av bunadar og skjorter passar;)
Det var litt frå påska vår. Korleis har du hatt det? :)
Abonner på:
Innlegg (Atom)